Des is die G´schicht´ unnerer Kerwa 2002
in Niederndorf

- Eine Geschichte mit 3 Bäumen -

 
Bei uns ist es Brauch, am Kirchweihsamstag eine Fichte aufzustellen, obwohl wir keine Kirchweih und keine Kirche haben.
     
         

Grood weil mer ka Kerwa ham, stelln mer scho am Dunnersdoch an glann "Übungsbaam" (13 Meter) nauf dem Hanni sein Grisslykeller.

A glaans Ruggerla und dann wor er gschdanna!

 



des doo is der Grissly --->

Baum Nr.1

(a bessers Bild hammer ned!)

         

Am Samsdoch frie ham mer dann den "echten" Baam mit 22 Meter aus´m Gmaawold ghold und na festli gschmüggd. Mit anner gscheidn Musik ham mer na durchs Dorf gedroogn :-)) und dann aufgschdellt.

   
Baum Nr.2
   
 
 

 

Am Obnnd na is es in der Skibar so richtich abganga. A Hosler Stammtisch hat unner Bar-Motto "Apres Ski" aufgegriffn und is in Ski-Ausrüstung eimaschiert. Voll krass ey!
Nadürli müssen mir edz aa bei denna ihra Kerwa im September nach vorgegebna Motto erscheina.

 
   
 




Und grood in der heissn Apres-Ski-Phase ham mer erfohrn, dass si a boor Übeldäder an der Fichdn ummer dreeia (3 Uhr früh) zu schaffn machn. Die ham die Fichdn mit an Beigl (Beil) "angepickt" (O-Ton 1.Vorstand).

 

  Die ham mer nadürli glei gschdelld, bevor sie ihr "Werk" ferdi ham brenga kenna.
Wieder Original-Ton 1.Vorstand: "Weecher mier kennd ihr die Fichdn bis nauf zum Kranz schäll´n, obber doch ned oopick´n, ihr Dummkepf".
Des sichd mer do auf dem Bild. Schliesslich ist diese Aktion nicht ganz ungefährlich.
     
Mir ham na dann ihre Fohrzeuge oognumma und uns erschd ermol ordendli "Prospekt" verschafft. Dann ham mer verlangd, dass am Sunndooch, spätestens ummer zwölfa (12 Uhr) ein neier Baam mit mindestens 22 Meter do stenn muss!!!    
     
 

Weil der Baam fast umgfalln is, ham mer na glei umgschniedn. Des wor nadürli a Spezialidääd vom Pigl´s Michl. Der had glei sein Bulldog ghold und die Säägn ogschmissn. Den umgschniedna Baam ham die Fregger fein säuberlich auf die Seidn drogn müssen. Dann ham´s die Fichdn oschmüggn müssen, den Granz onehma und den Ski (wor ja schliessli unner Kerwas-Motto) bergen müssn, der ja aa die Fichdn gschmüggt hat.
Nachdem uns die Kerl an neia Baam versprochn ham, ham si mit ihra Fohrzeuche abhaua döffn.

 
 

 

 

Frie ummer holber achda (7.30 Uhr) worn die Übeldäder fei scher widder do, um ihr Gaunerei widder gut zu machn. Obber do ja erschd Kergn im Zelt wor, ham si erschd ummer elfa (11 Uhr) ofanga kenna. Nadürli ham mier na derbai gholfn.

Baum Nr.3

Falls ihr eich wunnerd, werum mir do immer so Deppmkabbm (Zipfelmützn) oder Schibrilln aufham - is ja glor - schliesslich is unner Motto heier "Apres Ski". Ned wunnern - froogn!

Wie versprochen, is der Baam prächtich gschmüggd mit Bändern, Granz und Ski püngdli ummer zwölfa (12 Uhr) zum Middochessn gschdanna.

 

nach 3 Bäumen :-)
 
 
 
     
Dernooch ham mer nu feuchd-fröhli frei nach dem Motto: "Schön muss es sein" bis ummer fünfa (5 Uhr nachmittags) gfeierd, bevor die Taschendorfer dann des Loch zum haamgehn derwischd ham.    
     
 
     
Mir Kerwersleud sen a erscht ummer fünfa hamganga, obber do is scher widder hell wonn ;-)
 
Ach ja, a Dalend ham mer aa nu enddeggd.
 

Schauds eich mol so wos o:

 

     

A boor Kerwers-Reime fom Dalend hammer a nu:

   
     

 

 

A Fichdla ham si hackn gwelld,

ham si weng zu bleed ogschdelld,

heit frie ham si a neua brachd,

und mier ham dreggerd glachd.

In Niederndorf is a Verband,

do is der Hegler Ortsvorschdand,

und wenn do der Verband ned weer,

dann wer in Niederndorf gor nix mehr.

     
     
©
Zwaa oogerdrehda

Wenn er doo gliggt, kennt ihr uns (vielleicht) a Imeil schiggn und uns gscheid zammscheissn ;-)